Mentor Thaqi: Pak ushqim shpirti dhe ç´mallje malli!

nga **Agim Gashi** Sun Apr 18, 2010 1:06 am

Mentor Thaqi: Pak ushqim shpirti dhe ç´mallje malli!

Te Kaqorrët!

Mentor Thaqi: Pak ushqim shpirti dhe ç´mallje malli! Schafe

Netëve dimri, në Oden e moqme,
simfonia e lugëve të aluminit,
në qanakun e përbashkët,
oreksit tim jo të bollshëm,
një injeksion më shumë.
Ec e mos shpejto fëlqitë,
dhe gjuajtjet me lugë,
avullon pa avulluar mirë!
Mishelakna me bukë maravq misërnike
të rreshkur e stër-rreshkur
dhe djathi pamazitë i Bacës Canë
nga nektari i kullosave të verës
me syka e bardhoka,
sa Lugut të Bazhdarit, Livadhit të Alibegut
si plumbi i pushkës në Sejnovë,
dhimbje nënsqetullash
nga ngrënja pamasë!
Qe dhe pak mjaltë gështënjash,
Baca Jusë me qyp në duar,
buzëqeshja qelës frymëmarrje,
se desh plasëm nga mjalti!
Plisin deri mbi vetull,
shekullit ja numëron plagët
Baca Rrustë, ai gojëtari i qetë
që as pushka fjalën s´ja luan.
E, tevona, hiq e mbledh meste,
kokrren fsheh e gjejë,
deri me këngën maje plehu
të të birit të pulës,
kapuqash, dukagjinse,
natës, kush fundin s´ja donte!
Ah, nostalgji e brishtë,
dy pika loti në syrin e pafjetur,
nuk thëm se janë turp,
se nga gjaku, mishi, ashti e shpirti jemë!
Dera e Kaqorrit, hon e don hapur,
pritje-përcjelljet, përditshmëri,
fundja, nderi nuk falet
dhe bujaria trashëgohet!
Po, Lluka ime,
vend i këngës dhe bukës,
Lavdinë, prush në shpirtë
Mentor Thaqi St. Georgen, 17.04.2010

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30