Europarlamentarët-Berishës:Vlerësojmë arritjet e Shqipërisë

nga **Agim Gashi** Fri Nov 05, 2010 1:59 am

Europarlamentarët-Berishës:Vlerësojmë arritjet e Shqipërisë

Kryeministri Berisha prit sot në takim delegacionin e deputetëve të Parlamentit Europian, të kryesuar nga Presidenti i Delegacionit për Europën Juglindore, zoti Eduard Kukan. Në takim me kryeministrin Berisha Europarlamentarët vlerësuan punën e madhe dhe reformat e thella që qeveria shqiptare ka ndërmarrë gjatë kësaj periudhe, të cilat kanë bërë të mundur edhe këto arritje të rëndësishme.

Në veçanti, parlamentarët europianë e cilësuan si shumë të madhe punën e bërë për hartimin, përpilimin dhe prezantimin para Komisionit Europian të përgjigjeve të pyetësorit dhe theksuan se cilido qoftë opinion i Komisionit në këtë pikë, ai duhet parë si një inkurajim për arritjet e Shqipërisë gjatë kësaj periudhe, por edhe për reformat e ardhshme integruese.
Gjithashtu europarlamentarët përgëzuan Kryeministrin Berisha për realizimin e kërkesave të udhërrëfyesit për liberalizimin e vizave, çka bëri të mundur votën pozitive me shumicë dërrmuese në Parlamentin Europian dhe njëkohësisht, rikonfirmuan shpresën e tyre se edhe Këshilli Europian do të japë së shpejti konsensusin e tij, duke e shndërruar në realitet ëndrrën e shqiptarëve për lëvizje të lirë në hapësirën europiane.

Nga ana e tij Kryeministri Berisha u shprehu europarlamentarëve mirënjohjen e thellë për mbështetjen e jashtëzakonshme e miqësore që ata i kanë dhënë qeverisë shqiptare, Shqipërisë dhe shqiptarëve, në përpjekjet e tyre për t’u përafruar gjithnjë e më shumë me Bashkimin Europian dhe për heqjen e vizave.

Kryeministri Berisha gjithashtu e vlerësoi si ngjarje historike votimin nga Parlamenti Europian për heqjen e vizave për qytetarët shqiptarë. Duke nënvizuar efektet e jashtëzakonshme transformuese të pesë viteve të fundit që reformat e ndërmarra drejt integrimit europian kanë pasur për Shqipërinë, Kryeministri i siguroi se për qeverinë shqiptare çdo hap drejt integrimit europian duhet të jetë tërësisht i bazuar në performancë e meritë, si interesi jetik ky i qytetarëve shqiptarë./oranews/

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30