Adem Zaplluzha:Dy poezi

nga **Agim Gashi** Sun Mar 27, 2011 12:00 am

Adem Zaplluzha:Dy poezi

ETJA

Me cilën leckë
T’i arnoj këto kujtime të brishta
Kah na ikën stinët
Kur ne kalonim zbathur
Nëpër jetën tonë

Ishim të etshëm
Zogjtë na rinin mbi kokë
I kaluam tejetej lumenjtë
Sa për të pirë ujë

Desha atë çast
Të bisedoja me gurin
Nëntoka gjëmoi
Si lashtësia e uturimës
Në dejtë e mi të zhgënjyer
Ngulen thonjtë e tmerrit

Sa herë që u ballafaqova
Me fjalën time të dhënë
Në mua u zgjuan
Kodet e maleve
Nata shtrihej me mospërfillje
Në thinjat e flokëve të rënë

regetimat e zhurmuese
s kishin te ndalur
rrjedha e ujit te kristalte
nuk e ndryshoi njetrajtshmerine
ne vorbulle e etjes
gufon kujtesa

Adem Zaplluzha
Nga Libri Tejdukshmeria e Shiut

PËR HERË TË PARË

Më duket se sot përfundoi dita
Në kotësinë e fshehur
Për nesër
Kanë mbetur fjalët peng
Që janë lidhur për gjuhe

Kur më pyetën
Se çka do të ngjajë mëngjesin e ardhshëm
Heshta si guri
Më përtypën mizat
Si kafshatën e gjuajtur në kontenjer

Erdhën disa të panjohur
Dhe me tregimet e tyre
Na bezdisën deri në çmendi
Than se sot
Askush nuk shkruan gazetë muri
Në lëkurë të rrjepur

Pastaj ikën të shkujdesur
Nuk di se për ku
Por i lëshuan disa mikrobe
Dhe infektuan tokën tonë

Lisat ja nisën kujës
Për herë të parë këtu kjo gjëmë
Iu dhimb drurit dhe gurit

Adem Zaplluzha
Nga libri i fundit /TEJDUKSHMERIA E sHIUT

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30