Adelina Dardha: Poezi dashurie "Ndjenje". Gezuar vitin e ri 2010!

Adelina Dardha: Poezi dashurie "Ndjenje". Gezuar vitin e ri 2010!


Më celet një ndjenjë si një trëndafil,

bukur qëndron aty në shpirtin tim,

rrezen e dritës marr ta përkëdhel,

ajo lumturohet zemrën ma rrëmben.



Më merr fluturim nëpër kaltërsi,

si flutur krahëshkruar lëshon bukuri,

me yjet e qiellit unë i thurr gjerdan,

shpirtin ma ndez, ma bën si vullkan.



E ulem ngadalë poshtë një përrua,

zjarrin ta shuaj me atë që dua,

tek krahët e lisit me kurorë mbuluar,

zogut i them jam e dashuruar.



Afrohet bilbili me zërin e kulluar,

uji gurgullon nga kënga e kënduar,

bardhësi e bardhë se c' po dallgëzon,

aty thellë në zemër ajo dashuron.



Më celet bukuria vec nga lumturia,

për ty shpirti im unë jam dashuria,

mos më duaj më shumë se unë ty të dua,

ndjenjën që të djeg , atë ma lerë mua.