Adelina Dardha: Poezi " E ëmbla ime nënë" Gezuar nënë diten e lindjes sot me 14 Shkurt. Me mall të puth.

Adelina Dardha: Poezi " E ëmbla ime nënë" Gezuar nënë diten e lindjes sot me 14 Shkurt. Me mall të puth.


Nënë urimet për ty i nxora si perla të bardha nga shpirti,
I nisa dje në agim, pulëbardhës ia vara në qafë,
I vesha me mallin, që digjet në zemër,
E nuk shuhet nga lotët që bëhen valë.
Me yjet e qiellit po t’i shkruaj urimet,
nga cdo cep i shpirtit tim,
Jam flutur pa krah,
se krahët mu këputen nga dhimbja,
Ditën kur u largova,
Prej teje nënë!
Ti sot do shuash qirinjtë mbi tortë,
Dëshira jote e vetme
Ardhja ime, për të gëzuar sytë e tu,
Për të zbutur rrudhat e viteve,
qëndisur fisnikërisht në fytyrën tënde,
Ku buzëqeshja ka ngrirë në pasqyrën e syve të mi,
Lyer dhe zhuritur nga etja e viteve të ndarjes.
Premtimet e mia nënë, që shuhen
Si qirinjtë e tortës tënde,
Që ndizen çdo vitë dëshirave të mia
Ngelur peng biletave të paprera,
Aeroporteve të zhurmshëm pa nisje.
Nënë, po t’i shkruaj me mallin e një bije
Të gjitha në këtë poezi,
me duart që më dridhen nga mendimet për TY,
Se dashurinë tënde e kam prekur të ngrohtë
në qumshtin e gjirit,
Ditën që ti me fale dritën e jetës mbi sytë e mi
të ëmbël foshnjor.
Mbretëresha ime,
sot feston si shqiponja pa zogjtë e saj,
Vitet e jetës mbushur me dallgë,
që se mposhtën kurrë zemrën e vrarë
në oqeanin e mallit.
Kurora jote e dhembsurisë o nënë,
si petalet e luleve rrezaton në flokët e tua të argjenta,
Dritë mirësie fal dhe lutje qe të më përkëdhelësh përsëri....
Nënë po të gatuaj me mallin e
gjithë këtyre viteve mbledhur lëmsh,
Një urim dashurie të zjarrtë si dielli,
Me miell të bluar, nga tik-tak-et e zemrës time,
E sherbet lotët e krypur në këtë natë,
duke pëshpëritur lehtë si fllad plot dashuri:
GËZUAR NËNË DITËN E LINDJES!